首先.我要同我一个好蠢嘅肥鸡讲一声.我space首歌唔系我唱噶!系sammi.not tracy~你真系冇得救啦~!
跟住.大家有冇发现tra我呢排晚上都冇玩富甲咧,有冇发现系人约亲我我都唔得闲出去玩咧,如果你冇发现,系十分之正常嘅.作为大佬嘅我不嬲净系得个名冇地位.为左钱.我牺牲左我嘅自由.冇错.我又去打工了.面试果阵个个都话钱唔紧要,最紧要系得到经验.超假~钱紧系最紧要啦!你睇阿烈,而家成个人嘅心情跟住d股票,忽高忽低.我就健康得多啦~过住廉价劳工嘅打工生活.日日都早早起身.一d都唔颓废阿!

废话少讲.睇图.(去偷yu嘅图,我翻工连手机都冇得用你话悲唔悲哀)

呢个就系我打工嘅地方.曼哈四楼嘅.大家得闲要揾我tra水.星期一到五真系好无聊.星期六日d人又多到痴线.yu同monkey某日就黎左探我啦.佢地真系超nice.i love u guys我发现有佢地系度真系"欢乐时光特别快,又系时候讲bye bye".同佢地tra下tra下好快又过左一日.monkey仲大出血.睇怕用特长夜用都要漏了.中午请我食pizza hut.晚刻请我食momotea.仲系我果度买左几百蚊衫.期间仲俾我同yu发现佢私人地方原来先值49蚊.唔使惊.我下次俾条4900嘅皮带你!同你地一齐好开心阿.得闲冇事做要多d睇我.

欢乐晚餐时间.(忽然觉得我地三杯野好似尿)yu你好似个傻婆甘哇哈哈

冇错.我绝对系系度扮紧野.原来发型真系好影响一个人!呢个死发型严重影响我嘅心情!我挂科都冇甘悲伤阿.我超想唔俾钱噶.剪呢个头发之前.我仲系...呃...正常人一个.而家我觉得自己唔单止系内在,连外表嘅感觉都俾人觉得似颠婆!shit!(k望你终于满足啦你个奴婢.)

      本来新年我谂住AA制过.因为我预左甘多科我得大英同篮球两科得A.点知多左思修一科A.下个学期你地个个都要上我唔使.yeah!鬼叫我思想修养甘高咩系咪.but.其它科唔系c就d.所以我绩点比挂科嘅人仲低!好满足噶啦.谂下逃过嘅课比我上过嘅课要多几多.好彩我嘅美女与社会.阿唔好意思系媒体与社会冇挂遮.我呢个学期d要写嘅作业几乎都系果条友布置.最开心嘅系,我嘅计算机基础.考试前一晚我先睇左两个钟头书.d计算题仲系qing教我.考试期间我收到三条答案我竟然feel唔到手机震好勇敢甘自己做晒d题目.当我一出考场我就认定我下一年要去沟学弟了.but.我竟然冇挂!连qing都挂左!我真系开开心心过新年罗.

     今日呢篇野.我利用难得嘅休息日写嘅.费时成个寒假你地都唔知我做乜.不过你地要约我出去玩啊.555我唔想成个寒假就埋没系果堆衫度.我虽然好爱红色嘅毛泽东.但我同样爱你地.火星人!你讲过成个寒假做牛做马.结果一碗味千拉面同几只鸡翼就搞掂我你话点计先.

     小小.虽然我几乎日日都翻工不过我一得闲就会搞你d野噶啦.放心拉.阿仔同肥鸡啊~好衰噶你地都唔黎揾我玩~阿扬我想知点解我同肥鸡系甘飞信息都冇回应嘅~555你系边阿.

     如无意外.开学前我都唔更新噶喇.大家知我有几懒噶啦.唔好挂住我啵各位.